الســلام عليكــم ..
اتـركــكم مـع القصــهـ بـدون مقـدمــاات ..
0
0
القصة يرويها شاهد عيان لزميله .. فيقول::
هذا ماحدث في يوم الاربعاء لبنات في حي العليا !!!
هذي قصه حصلت يوم الاربعاء
لبنات في حي العليا
فاطلبو لهم الرحمه..
كنت في منطقة العليا بمدينة الرياض وكنت على موعد مع صديقي على العادة كل اربعاء يمرني بعد صلاة العشاء نتمشى الى الساعة عشره ونتعشى وبعد العشى نمر نستأجر افلام ونروح البيت ونسهر عليهم الى صلاة الفجر وفي هذا اليوم اختلف البرنامج تماماً مرني صديقي وطلعنا وسوالف وقال بمر المملكة والفيصلية اللي هي قريبة من شارع التحلية
قلت له لا تروح هناك قال يا رجال نتفرج لاحول قلت اليوم اربعاء وزحمة واكيد فيه هيئة قال وش علينا كل العالم تروح المهم رحنا دخلنا السوق وكان مزحوم وكانت الهيئة موجوده وبشكل كبير اكثر من سيارة المهم أخذنا لفة وحدة وكان قلبي مش مرتاح قلت فيه شي او راح يصير لنا شي
المهم وحنا في اللفه الثانية رحنا مع شارع كله محلات راقية وهناك لقينا سيارتين للهئية واقفين متخفين بعيد وكأنهم يراقبون احد، المهم قلت لخويي قلبي قابضني فيه شي بيصير خذ لفة ثانية المهم وحنا في اللفه الثانية الا الشارع فيه زحمة وصوت كلام عالي ومانشوف شي سيارات زحمة
والسيارات واقفه قلت افتح الباب واوقف ،المهم فتحت الباب ووقفت لقيت واحد من الهيئة يصارخ على اربع بنات ووحدة منهم هي اللي تصارخ عليه وتتكلم معاه وشوي وهو يقول لها ما اقدر امد يدي عليك خليها تجي بالطيبه وهي تقول انت خليت فيها طيبة، المهم قال شغلك معاي، قالت له البنت اسبق خيول ابوك اركبه واذا انت رجال الحقني
المهم ركبوو السيارة وهو يقول لأخوياة وراهم ولا تتركونهم وقمنا حنا لفينا يمين ورحنا نتفرج طلعت السيارات اللي شافت الزحمه وانطلقت السيارة اللي فيها بنات ومسرعين على شارع التخصصي ووراهم سيارتين حقت الهيئة وحنا ومعانا سيارات زحمة نلحقهم، المهم السيارات في سرعة عالية مرة
وهنا يبان لنا انها مطاردة ياساتر على السرعة وانا خويي الـمجنون اقوله :هدي السرعة وانا خايف من جد لان صديقي اندمج وهو يلحق السيارات وانا اقوله يا فلان اتركهم وش علينا منهم وهو هذا تخصصه يحب يشوف علشان العالم كلها تدري، المهم وحنا وراهم وجاء الدوار الكبير حق الثمامة وكل السيارات مسرعين
والسيارة اللي فيها البنات اول سيارة في المطاردة وشوي وفي الدوار وبسرعة جنونية وسيارة الهيئة وراهم نفس السرعه قرر يجي جمبهم ...سواق البنات تفاجأ وأرتبك ........!!!!
وشوي الا هو فوق الدوار وتنقلب سيارة البنات من جمب الدوار وتنقلب وتطلع من الجهة الثانية، وهنا في بنت من قوة الانقلاب طلعت من السيارة بدون عباءه
واخيرا وقفت السيارة بعد اربع قلبات وسيارة الهيئة صدم في الدوار بأضرار خفيفه ....انا هنا وقف شعر راسي وجاتني مثل الدوخه وخويي وقف سيارته ونزل، قلبه قوي و منظر البنت سبب لي مشكلة إلى يومكم اذا ذكرت الموقف...
المهم شوي ونزلت ورى صديقي وعاااااااااالم واقفين واللي يسوق سيارة الهئية واقف منبهر يبكي وحاط يدينه على راسه وبعض الشباب جزاهم الله خير يبون يشيلون البنات قمت انا وكم واحد غطيناهم ما ندري
هم أحياء آو أموات
وبالصدفه نزل واحد كان مع زوجته وولد صغير طلع دكتور وجاء مسرع وبقلب قوي وقام يكشف على وحده وحدة ويمسك يدها ومن بنت الى بنت واخر شي راح للبنت للي طلعت اثناء الانقلاب وقام من عند البنت ووقف الدكتور والعالم كلها تناظر فيه ونزل راسه قال الله يرحمهم ،هنا العالم انبهرت وترحمو عليهم وقمنا وغطيناهم بعد ما كشف الدكتور عليهم..
وشوي الا جاء واحد يطالع في سيارة البنات يمين شمال وراح من هنا ومن هنا وراح وشاف رقم اللوحة وقام يبكي ...؟؟؟!!!
قال له واحد تعرفهم....؟؟؟ قال إيه.. يقربوون لي....!!!قال له تعوذ من الشيطان يمكنك غلطان
قال لا يقربوون لي ؟؟!! قال اكشف على وجيههم ..!!
قام كشف على وجة بنت.. بنت ..من وحدة الى وحدة وعرفهم؟؟؟؟!!!!!!؟؟؟؟؟
تخيلوا يا شباب ..
البنات معروفات على مستوى الخليج العربي كله ..
البنات الاربع :-
وحدة بنت السبيت
والثانية بنت الهاص
والثالثة بنت الديمن
والرابعة بنت الشيريا
بنات ورقة اللعب حقت البلوت
هدوا اعصابكم ..
بدون ضرب أو صراخ ..
هدوا اعصابكم ..
صادوه
الرئيسية 